رسالتك وصلت وعنوان الرسالة (من أنا)
انت القريب اللي تحت (حصري) و(ممنوع النشر)

قبل اختلاف (الراي) مازالت بداياتك (هنا)
(صوت الحقيقة) غير عن (وهمٍ) غزى فكر( البشر)

استأذنك يا(قيروان العشق) ماضيك (انحنا)
في ليلةٍ كانت ولازالت من حساب (العشر)

زرعت لك صدري (غلا) لاشك غيري من(جنا)
واهديت لي (صمتٍ) تمدد في محيطي (وانتشر)

صوتك (صدى الأيام) والواقع مازلت أنت(الهنا)
لو كان (منشارك) بِجِذْع احساسي الصادق(نشر)

على بدايات (الطريق) اللي مشيناها (دَنا)
خط النهاية و(المشاعر) تنتظر (يوم الحشر)

صدّقت فيني كلمة (الواشين) ياروح(العنا)
والواشي أقواله تثير (الشك) كذابٍ (أشر)

أرحل ولاتحزن (علي) ماضقت دام(الله لنا)
أستودعك رب (الحرم) وأنا غني من (البشر)