قبل ابدا تأكدوا ان اي شيء فيه مساعده للآخرين انك على أجر
عندنا عاملنا اليماني راعي الابل كل شهر احول لحساب اهله في اليمن رواتبه و لا بعد احد ناداني و سألني ليش تحول لليمن
طبعا اليماني مجهول لذلك فرض علي اني اتعاون معه طبعا بعد اوامر عليا من سعادة الوالد حفظه الله
نرجع لمحور القضيه و نأخذها على ثلاثة اجزاء احدهما تعقيب على رد الاخت طيف
اولا اذا حولت عن طريق الصراف بالتأكيد
اسم صاحب الحساب بيكون طالع لك في الشاشه
و اذا اهي تقول انها تاجره بيطلع اسم راعية الحساب
يعني سهالات
ثانيا بخصوص الثقه في الزميله كون العلاقه من فتره قريبه
فلا أعتقد انها بتجحد صاحبتها عشان 2000 ريال لو انها ناويه تبلف خويتها بتطلب مبلغ اكبر للتحويل و الا لما قالت اذا مبلغ متوفر و لا اعطيك اياه
اما رد الاخت طيف بخصوص الثقه في تجار برامج التواصل
فصديقة الازديه غير مكلوفه و لا يهمها الا ان فلوسها ترجع لها سواء جحدوها التجار او لا
استلمت بضاعتها ام لا
لذلك هذا سبب غير مقنع لرفض الطلب
اما شراء البضائع عن طريق البرامج فكلها من نظام رخيص و كويس و انا بنفسي شفت بضائع تقليد درجة أولى في سوق نايف في دبي ( تقليد على ساعات اصليه ماركات )
اسعارها 100 ريال او اقل و سعر الأصليه الماركه 2500 ريال و قد تكون اعلى من كذا بكثير مثل الرولكس تاصل المعقوله منها 12 الف
اسعارها بسوق نايف 100 ريال و يعرضونها في البرامج على 500 او 600 و تاصل الى 700
فانت لما تقارنها مع السعر الأصلي حق الساعة الأصليه بتقول مبلغ رخيص و بتاخذها و انت مطفي النور
لذلك لا انصح بشراء بضائع منهم الا مثل نظام العزابيه
اذا مشتهي اكل بيت او اي طبخه يكلمهم او يراسلهم و تروح لبيتهم و تاخذ الوجبه و تعطيهم حقهم
تشعبت كثير بس غصب علي فيني عرق التفلسف
|