يالله في خير الليالي المقابيل
ويارب ﻻ تكتب علينا فشيله
وأكتب لنا خير وحظ وتساهيل
واقسم لنا مقعد مع اهل الفضيله
وأسعد مساء كل النشاما الرجاجيل
واجمع شتات اصحابنا والقبيله
اقولها من قلب صادق بعد قيل
ان القصيد يفيد من بعد قيله
وايضا التواضع يجمع الجيل بالجيل
ويعدل الميزان مع كل ميله
وأهل التغطرس ما وراهم محاصيل
نفوسهم في كل موقف ثقيله
والكبر ماهو للرجال الحلاحيل
والطيب للرجال مثل الفصيله