لاصرت أناجي هم قلبي وأناجيك = ما ادري اصدق في غرامي ظنونك
لاصرت أنا شفقان عطني اياديك =يازين طيبك بالغرام ودخونك
ماخاب ظني يالغلا والرجا فيك = ياسعد عيني لو تناظرعيونك
أهيم انا والليل يذكر تماسيك = والصبح يظهر بين غمضة جفونك
تدري بقلبي هايم(ن)بك مسليك = وتدرين بأظما للوفاء من مزونك
هذي وعودي ياغرامي وأمانيك = مثل الطيور اللي تاوزر غصونك
ياليت أبا أدري شالذي في خوافيك = وأوعد عيوني بالغلط ماتخونك
بآخذك حب وباشربك واعطيك =حب عظيم يذكره من يجونك