[poet font="Simplified Arabic,4,white,normal,normal" bkcolor="darkred" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
كثير الصمت يا ( دنيا ) أبد ما ينفع الكتمان=وأنا جيتك وتحملني مشاعر كنت أخفيها
وأسولف لك عن همومي ومجمل رحلة النسيان=وبشرح لك أحاسيسي من أولها لتاليها
(أنا واحد من العالم ) أعاني قسوة الحرمان=أسافر في بحور الشوق وتقذفني موانيها
أصارع وقتها العاصي .. أداري دمعة الأحزان=أناجي طيفك الهاجر وأماني شف طواريها
عرفت ان القدر مكتوب .. عرفت إن الزمن خوّان=وحياتي يا ( ؟؟؟ ) دمعة وأخاف العين تبكيها
أنا ( مجنون ) عاشق والغلا موجود له برهان=سهامه في الحشا عطبا وصعبه أن أداويها
ظروفي قاسيه تجرح .. عليها لعنة الشيطان=تخالفني أعاتبها .. تلوعني وانا اشكيها
أخاف الوقت يغتال الأمل ويفرّق الخلان=وساعات الفرح يا ( ؟؟؟ ) تخذلني ثوانيها
وأعيش بهم يقتلني وأموت بمفردي عطشان=وأبحرق آخر أوراقي مع الذكرى وطاريها
تعبت ولا تلاقينا تعبت ولا حصل نسيان=وهذي مجمل أوضاعي وما ادري ويش أسمّيها
[/poet]

لا تحاول أن تجعل ملابسك أغلى شيء فيك ، حتى لا تجد نفسك يوماً أرخص مما ترتديه