[poet font="Simplified Arabic,4,white,normal,normal" bkcolor="darkred" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
تخيَّل تزرع ورودك على الغيمه وتقطفها =وتهديني أنا ورده واخلّيها على خدِّي
وتالي تمسك الغيمه تقلِّي يا الله اوصفها =واشبِّهها على قلبي ويطلع لونها وردي
ونسبح في الفضا والأرض نبعد عن مشارفها =ونضحك للنجوم الزاهيه وانطير ونعدِّي
ويعزفنا الغلا ألحان تطربنا معازفها =ويلهمنا الشعر أحلى الحديث الهامس الودِّي
ونهدي للثريا نجوم أحلى من وصايفها =ونهدي للبدر هاله تفوق الوصف وتعدِّي
وتغمرنا المحبه حب وتلهبنا عواطفها =وتسألني عن شعوري واقول الله من قدِّي
أنا أسعد بشر وانته أعز الناس والْطَفْهَا =وأغلى حب في قلبي عزيز وغاليٍ عندي
وتالي تاخذ الورده تبي تمزح وتحذفها =وتمسك لي يدي واصحى والاقيها على خدي


[/poet]

لا تحاول أن تجعل ملابسك أغلى شيء فيك ، حتى لا تجد نفسك يوماً أرخص مما ترتديه