من علم الصبح يجري لين يوصل للمغيب وينتهي
يوم بديته بوحدتي
من علمه؟
ماغيرها غيبتك وشوقي
وشوقي وغيبتك


يتعب الصبح يجري
وتخيلي بعد التعب
يوصل مغيبه وينتهي
ينتهي زي ماهي عادتي
....... عادتي بوحدتي
يمر الصبح بكل شي ويسأله
وين هاك الحبيب؟
إلا وينه!!!
هو صدق وينه!!
ومن يقول انا حبايب نفترق
وتصير كل أوقاتي مبعثره
ماصدفته حبيبي بين الثواني
ولا بوجه الدقايق
ميت عليه ادوره
.....وماصدفته...


كل خريف يمرني يهديني دفتره
واكتب على اوراق الشجر مشتاق إله
ياريح هبي وانثري
اشواقي واوراقي الذابله
يمكن يعرف حبيبي
ويش كثر أنا مشتاق له
أو يمكن ادري ان هالعام بفصوله
وميوله وبكل أيامه وحوله
عشته صبح يجري ويجري
لين يوصل للمغيب وينتهي
وينتهي
عام من وحدتي بأكمله


الصياد