هالليله احساس السهر ومربط الخيل
وانا براسي شئ خله على الله
شي من أجله عاذر البن والهيل
ماهو ضرم شاهي وفنجال دله
مع الهيام وقبل ما يسري الليل
هالشي اعقده في خفوقي واحله
في وجه هالليل فنون وتماثيل
في عينها غدر ومكان وجبله
تناثرت بين السهر والمواويل
بين الحياه وبين خل وخله
أفاق جرح ومغريات وعراقيل
وليل تجي مع ظلمته كل عله
احيان الاقي لي ورى الصمت تعليل
واحيان ما القى لي ورى الصمت عله
واحيان شطحات الغلا يابو اسيل
تخلي الرجال يترك محله
ياللي خذيتي من عيوني قناديل
الموت واحد ويش دقه وجله
مرت ثواني غيبتك مابها حيييل
والكون ماله غير هالوجد حله
من يرفع احجاج الامل للمقابيل
من يكتب الحزن العظيم بسجله
من يشعل الشمعه ومن يلعن الليل
من يمسح غيابك ويجلس محله
كافي غياب الوقت ماهو تساهيل
كنه يدور صوب مغليك زله
على فراقك مات زرع ومحاصيل
وانتي ولا سقتي سحاب الموله
لاتكابرين وخلي دموعك تسيل
وتذوب الكحل العظيم وتذله
إذا خسرتي دمعتينك بمنديل
وش قولة اللي خاسر العمر كله

كلمات : نايف زويد