اهلاً تراتيل عد المطر والسيل والقهوه والهيل
ههههههههههههه عاد المنظر أليم مكرشين السعودييين ومنتفخه جيوبهم ماعاد ألا يصكونها بمشباك إذا الجوال غالي ....طيحته....
شينه هاااااه.....

عاد بالله تخيلي سعودي ورزة شماغ وشايل شمطته
وبيده الثانيه المدام هي وشمطتها الزهري....
ولا واحد بعدما ركب سيارته وشغلها ثم صفق على جبهته
وقال لصاحبه اللي جنبه تكفى أنقز جيب لي جنطتي نسيتها عند أبوفلان ذا في الدور الثامن....
وعاد لو توسعي خيالك لأصحاب المعالي والللللل وهم يلوحون في راس درج الطايره وهم شايلين شماطهم وباين طرفها من تحت المشلح البني.....
والله ياتراتيل إنها صعبه عليه قالة العربان
خلينا من المدينه كلن في حاله ولا أحد هناك يشره ولو شره عليك أحد ترد بالفم المليان (حيل عن كذا)...
لكن خذيها صوره في حفل مثلاً وبن هضبان بشمطته قدام المكريفون يمدح في ذاك القبيله وأهل المعرس...
خذيها صوره في ميعاد لليماعه بيحلون مشكلة آل فلان وأل فلان وكلهم بشمطهم ...
تري آخر عهدي بشنطتي أيام الدراسه وذكرياتي معها لك عليها من ثقل شيّن فيها .....

شرفتيني والله....