اسعد الله صباحكم / مسائكم جميع

الحقيقه كانت بتكون بعد أخواني " شاعر من بعيد " واستاذنا القدير " أبو ريان "
لكن السمي " المهندس " كان له الطرح وهم جميعاً اسماء رنانه وجميله في هذا القسم الرائع
يعني بالعاميه " كمل الناقص "

اللي طرحته أمام الجميع ماهو الا مجرد مدفون كان يؤلمك أحياناً ولكنك وجدته فكان مصدر سعاده لك عندما تتذكر .

النص بين اياديكم وجاهز ومهيأ لكل ماتريدون
وعلى قولت المهندس ذا ودكم به سووه


تحركت في داخلي بعض الابيات
بعد [ الثلاث الموجعات الأليمـــه

اللي يودع " " ذكرياته وما فات
واللي براه الحزن ,وامسى حميمه

واللي تبلته المشاعر بـ ونات
اللي ] نهايتها عواقب وخيمه

عزاه للي عذبته المسافات
وعزاه للي علته مستديمـه

وعزاه للي نادم الليل حسرات
وعزاه للي ما ظفر بالغنيمه

وانا لقيت من الثلاث المجارات
ماهي جديده بس ذكرى قديمه

والحب وش هو الحب ياهل الندامات
الحب ما هو عيب والا جريمه

احساس صادق مو محبة كتابات
رعشة خفوق(ن) بالحقايق عظيمه

كنها تجسد واقعي " بالمحاكات
مرت عليه واونس القلب ضيمه

خلو القلوب اتقول ماعندها اثبات
الا الثلاث الموجعات " الأليمه

الأحلام سكر .,
نرشه على حياتنا لـ نغطي بس قليلاً من مرارتها