قلبي يبي وقت لو الوقت ما طاعه
و عيني تبي شمس لو الشمس تعميها




و نفسي مثل باقي الاجواد طماعه

أبي أجدد على الفرحة لياليها



لاشك الايام للفرحات مناعة

لو نورت ليلةٍ عشرين تطفيها



يظهر ثبات الفتى و النفس مرتاع

خوف على اللي نحبه من بلاويها



لو ان كلٍ ينال مناه بذراعه

خذيت حقي من اقصاها و دانيها



المشكلة انك يابو لحظين بتاعه

تاخذ سلاحي من الكفين و اعطيها



و انا ادري ان العيون السود خداعة

لاشك ودي أصدق منك داعيها



و المهتوي لا اهتوى ما يطوي شراعه

يمشي على النار كنه ما وطى فيها