تغيب لك فترة وانا ماقفيتك
ترجع بسيف الظلم وآنا مسامحك

لو كان تطلبني عيوني عطيتك
لكن خسرتك قبل ماكون رابحك

مشاعري ليلك ولو ماسريتك
مشاعرك بحرٍ غرق فيه سابحك

قبل التهي بك ليتني مالقيتك
عن عذب وصلك صدني موج مالحك

القلب بيتك وانت سكّرت بيتك
اسمك بوسط العين بالعين لامحك

على روايات التواصل بنيتك
يالغامض اللي يختلف فكر شارحك

غلاك تدري به لما ضقت جيتك
تبث لي همك وانا دوم ناصحك

أمسح دموعك قبل تبكي فديتك
اسقيك عشقٍ يهتني بك وفارحك

يااجمل كتابٍ في حياتي قريتك
يمناي ماملّت تجدد مصافحك

على سحاب الشوق ياما دعيتك
تصد عنّي لاهب البُعد لافحك

تضمى ومن فيض المشاعر سقيتك
تجرح وانا لايمكن اصير جارحك

قبل التهايم كم تمنيت ليتك
خذيتني بالطيب وانا مسامحك