ذكر الله ابدأ بها وسميت
قبل ابتدي في قوافيه
من بعدها عد ما صليت
سﻻم تسليم رديه
واثني التحيه وﻻ تناسيت
نصيحة ترتبط فيه
واقول وانتوا قولوا صحيت
يا صاحبي استمع ليه
ﻻ ﻻ تقول دائما ياليت
هذي وهذي مع ذيه
في ملك كفي بﻻ توقيت
من دون ما تحسن النيه
واحذر تنادي إذا عانيت
شخص عديم الصﻻحيه
دور على الكفؤ وإن ماشيت
فﻻ تماشي حونشيه
وان جاك رجال راعي صيت
صاحبه وارق السماء زيه
وان كان سافرت او شديت
من ديرتك فأحسب الجيه
وان كان خلك يقول ابطيت
قول له ترى القلب مع مغليه
واحذر طعام منه حسيت
انه في قدور مخفيه
واهجر مطاعم تعيد الزيت
في كل وجبات مقليه
وﻻ تأكل إﻻ طعام البيت
حتى لو انتم عزوبيه
وإذا أذن المؤذن ووضيت
فأنص الصفوف الأماميه
وأفتح كتاب الله إذا ارهيت
انك هجرته بعفويه
والفجر ﻻ تتركه ﻻ أوحيت
ان المنادي رتع حيه
والمعذره كان ما وفيت
شاعر وهذي مساعيه