بداية اسمحوا لي التحدث بلهجة عمرية بسيطة
البارحة في الحلم شفت ست بنات ,, منهو ابوهم ومنهي امهم ؟ مدري !
المهم كانوا ,, ست بنات والسلام ! اسم الكبيرة " سلمى " بعدها " اماني "
" ثم " عليا " فـَ " كوثر " تليها " بدور " واخيرا " قهدة "
كانوا يجتمعون ويغنون , كُنت اشجعهم جميعا
وكانت الامور كلها زينة
رأيت في الحلم جارتهم اللي في الدور الارضي وكأنها ,, مسكونة ..
كانت ثنتين واصبحت (اثنين في واحد ) بفعل الجن ,, شكلها بتصير خمس بنات .. يخرب بيت الجن !
شفت جارتهم اللي بالدور العلوي ,, عجوز مُجرمة طمّاعة وفيها نذالة غريبة << ناوية عليهم نيّة سوداء
المشكلة فيه بنات غريبات يدسون لهم السم بالعسل يا ومتي !
اعتقد كل هذا شيء عادي لكن المشكلة
وش علم الخوات ؟!؟
سلمى ترى انها الكبيرة وعليها مسؤولية الجميع
تحاول جمع شملهم والمحافظة على ما بقي من هيبتهم . اماني ,, قلبها طيّب
بس احيانا تجي بالعيد لكن ميزتها ما تروح بعيد . عليا ,, ما تدري وش تبي بالضبط !
ما لها عدو ولا لها صديق " مضيّع جمل عمته " إن لقاه غنّى وإن ضيّعه غنّى .
كوثر ,, صار لها مرض قبل فترة واثّر عليها واجد ومع هذا لازالت ..
تحب اللمّة مع اخواتها . بدور ,, ما تروح بعيد لانها حلوة وتخاف على نفسها
المصيبة ,, قهـــدة ,, عليها حركآآآآآآت !!
مع انها الزغنطــوطة
يا حُبني لهذولا البناتــ !
ويا ليت يجلسون مع بعض ولا يتفرقون
مشكلة " قهدة " ان فيه شغالة اجنبية قاعدة تشتغل بدون امانة
لاعبة فيها لعب ,, تعطيها حلاوة وتقول سوي اللي اقول لكـ عليه
شكل في الحلاوة مخدرات , والمدمن مصيره السجن او الموت
الله يستـــــــــــــــــــــر ! لازم تتعافى من الادمان !
بالعلاج وآخر العلاج .. [ الكيّ ] .
صحيت لاونّي لحــــالي
ما كملت الحلم ................... فدا
اللهم اجعله خير
هيا فكونا ما احب تفسير الاحلام
لا اقعد إلا واحد يقول حلف شمال الاطلسي والا بنات في مرقص والا شيء
هذي احلام قصدي حلوم وعلى قولة ميحة حمد
حلوم الليل يمحيها النهاري
ششششششششششششـــــــــــ
صوت التلفزيون ,, سكّرته ورايح انام في الملحق
بانتظار حلم قادم..... الله يستر لا يطلع كابوسـ
او يجي ناس يكبسون عليّه 