عليك السلام ورحمة الله ولكن شف
انا مانشدتك وين وجهك وماهيتك

قبل ماتعيد الكلمة اللي نباها كف
حديثي معك ماغارت الجيش ياليتك

تمهلت والا قلت ميزانها مختف
وقوسك ياباريها تباريك لي بيتك

هوس خاطرك ملتف والا نباك التف
وعينك لها نظره وعيني مباريتك

يقولون في الأردن لضيف الوجب منسف
وانا اقول ضيفان المغاتير ملهيتك

لا والله لا والله لو تسولف لزيدٍ عف
ولايشغله في موعد السبت توقيتك

قواطع حروف الشك ماتكتسي معطف
ولكن حروف العطف بانت على صيتك

نقيض الأمل يشرب من الماطر المردف
وقيظك يفيض بلاهب الشوح ويقيتك

قبل مايموت الحرف والحبر دمعه جف
مدائن كلام الصدق بالصدق نافيتك

وهذا خبر والمبتدأ فيه شك وضعف
ولكن رفعتك واحترمتك وعزيتك