في غياهب جُبك أنزلني زماني من سنين
وانتظر والوقت حاربني قليله وأكثره

وبين نار العشق وعلوم الحيا والطيبين
ضاعت الكلمات وحروف الشعر متبعثره

وفي حضور العاذل اللي جاوبه قلبٍ وعين
ينقبض قلبي وعيني دمعها لك تنثره

انت قبل اللات والعزى نصوك الراحلين
ماكبت خيلي ولكن همس قومك ثرثره

وانت شيٍ قبل شي وشي في وزنة ثمين
وشي عايش لأجل شي وشي بيدي أدثره

هامتك عز ومقامك هز روس الطامعين
واليتيم اللي على بابك بطيبك تؤثره

غير من باب الوصال اللي ملذاته تبين
هل بقى للوصل حرفٍ واقعك يستكثره

ياهلالٍ رؤيته تشغل عقول المسلمين
غير مابعدك صيام ورؤيتك متعثرة

كل مالديت صوب الدار يالقلب الحزين
مابقى في العين دمعٍ تستخير وتنثره