تسلم عيونك .. يا عساني ماافقدك .. وافقد وفاك =ياعل دمعٍ(ن) هلته عينك .. من اجلي .. مايهون
ولا هنت .. ياللي مالكٍ(ن) كلي .. وكلي ماكفاك =وأنا أشهد إنك يا بعد عمري .. على عمري تمون
ما غيرك اللي يأمر وينهى عليّ .. وما خفاك =إنك ولو تطلب نظر عيني .. بتفداك العيون
أهواك يا حظي .. ويا حظ الخفوق .. اللي هواك =ويكفيك .. ماغيرك .. يحرك بي .. مساحات السكون
تدري حبيبي .. ماابي غيرك هنا .. وهنا ....وهناك =وانا أدري إنك .. لو يخون الوقت فيني .. ما تخون
ياني متيم .. في جمالك .. في هدوءك .. في دفاك =وربي .. فلا احدٍ(ن) يشبه لروعة بهاءك .. يافتون
يحق لك تلعب على حبل المشاعر .. وش وراك =مادمت تدري إني واصل بحبك .. إلى حد الجنون
شفني إلى جف العطا .. اسقيك .. واشرب من ضماك =ولو تشتكي لحظة ألم .. أشيل همك .. والطعون
خلاص .. او اكتب لك بعد .. وأكتبك بي .. وأمسح سواك =يا ماأكون .. أغلى من عيونك حبيبي .. أو أكون !