صحيح أنّ دنيانا لها كلّ يوم(ن) حال = وكل(ن) يقول احلى زماني هو الماضي
ولا يقنع الانسان مهما اوتي من مال = غريزة لجمع المال كل(ن) بها راضي
ورجل(ن) يشوف الخير عندك يجيه اهبال = ورجل يشوف الخير عندك ويغتاظي
ورجل عطاه الله رزق(ن) ولكن عال = ورجل(ن) حرم نفسه ويجمع على الفاضي
شفنا منازل باقيه منها الاطلال = كأن اهلها يستنجدوا تحت الانقاضي
محاها الزمن من صفحته والزمن لا زال = نشوف العبر بالعين وقلوبنا اغلاظي