إيه مفهوم كلامك ومقصدك ..
يعطيك العافية ياخوي ..
\
/
\
اليا صار في بعض المماشـي مناقيــد =واجــب عليك تشــوف ممــشى صحيــحي
اســلك دروب الطيــب ولا دايم تحــيد =إن كــان ودك بالعلى والمــديــحي
الطيــب مهنه للرجــال الصـنـاديــد =اللي مراجـــلهم تغيـــض الشـــحيحي
والا الــردى نقـــص ودايــم تنــاكيد =متعثــر دربـــه ودايـــم مطيحـــي
الطيــب واضح مشـــرف كنــه العيــــد =يمشــي به اللي عاقــل مســـتريحي
ومن يطلب العــليا بروس المشـــاهيد =يــدي حقــوق الله ولــو هو طـــريحي
ممشـــى بلا مصلـــوح دايم تنــــاهيد =يقطعــك من درب الوفـــى يالفصيحي
وصــلاة ربي عد ما نقطـــع البيـــد =على شــفيع الخلق راع المـــديحي