نوايا الحبيبة

يا صاح أنا لي وقت مدة غيابك
ما أدري وش اللي صار عقب المغيبه

ما أدري على عهدي ومجرى هبابك
وإلا الزمن غيّر نوايا الحبيبه

أرجوك ردي لي بسرعه جوابك
يا سعد حظ اللي يجيبك نصيبه

ترى جوابك هو دواي لعذابك
عذابك اللي في فؤادي لهيبه

يا عل ظرفٍ صد بك وأنتحابك
ما يعود يا عذب المزايا العجيبه

حلو أبتساماتك وصافي عذابك
ووجه الرضا اللي به براءه وطيبه

ورزانتك بالعقل بأول شبابك
يسوقني للحب سوق الغليبه

واليوم ساس الحسن حضرة جنابك
يا مثقفه يا واعيه يا أديبه

سامحوني .. إن رحلت .. يوماً .. دون موعد