ياقو قلبك على الصّده ويا صُبرك
وياوسع صدري على صدك ويا صُبري

وياطول عمرك بذاكرتي وياكُبرك
وياشيب عيني بشيّب عاد ذا كُبري

والله لون حمل صبري فوقك.. إن تبرك
والله ولو تعتذر منت بعلى خبري

إن ما جبرك الغلا ما أقدر على جبرك
ياللي على أرض الوفا ما شبرك بشبري

تزعل وترجع وتلقاني على خبرك
وأنا أنكسر لك وأجيك أدوّر لجبري

طيفك وذكراك طيلة غيبتك سبرك
وشوقي لشوفتك طيلة غيبتك سبري

أمحق وليف ومحبه والّا أقول أبرك
حسبي عليك أعشقك وأنت تحفر قبري

سامحوني .. إن رحلت .. يوماً .. دون موعد