بيانات اضافيه [ + ]

رقم العضوية : 18999  تاريخ التسجيل :  Dec 2009  أخر زيارة : 01-22-2024 (12:23 AM)  المشاركات : 7,413 [ + ]  التقييم :  58

لوني المفضل : Cadetblue

وارد البريمي شاص 2014


يازينه ليا مشينا به عصير
مع خايع ماداج فيه الشواوي
و سهيل بان و طلعته مقدم الخير
نجم مع الغيث المغيث متخاوي
و الوسم جاله مع دخوله تباشير
و ذكر الحيا جت له علوم و حراوي
ياالله بهمال صوب المزابير
نو سنا برقه من الشرق ضاوي
يسي الديار الممحلات المداهير
الي ثراها فوقه العود ذاوي
غيم و وبله لا سقا القاع تكبير
عامين و الماء حايرن في المحاوي
حتى غدن روس الزبيدي مشاهير
فوق الثرى تعمي العيون و تداوي
ما كنها الا نهودن قطعنا الأزارير
يضيع معهن مدعين الفتاوي
و الروض باطرافه تحن المغاتير
و حيرانهم يبرن لهم بالخطاوي
وقفت فحلهن بينهن كنه النير
و لا عقيد دون داره حماوي
لو ما نسج الرجل فالخد و نسير
ما عاد نلقى للوناسة طراوي
قنوص و لا رايحين مسايير
صوب الرجال مزبين الجلاوي
ربع لهم حشمة و قيمة و تقدير
مجلاسهم ماهوب مجلس قهاوي
العود الأزرق و الدلال المباهير
و دثر الشحم فوق الصحون متساوي
----- يوم الحرايب بواتير
و يوم الرخا حبل متين رهاوي
صغارهم يثنون عند المظاهير
ستر العذارى و الدبش و العزاوي
و كبارهم مثل الوحوش الهوامير
سيوفهم بين النحر و الكلاوي
و باقي القبايل نعم من غير تقصير
و كلن على فعله يعد الحكاوي
غير النشامى ما يبي القلب تدوير
في شوفهم يسلى العليل الشقاوي
اسج معهم و الليالي مقادير
و العمر مرة يالخفوق السناوي
وش خانة الدنيا و جمع الدنانير
و حنا علينا نازع الروح ناوي