اشره عليـك ولـيّ حـق المشاريـه=لاشفت منك اللي يجيب المضـرّه
يحـزّ فـي نفسـي وفالقلـب ياهـيـه=ياللي علـي تبّخـل بوجـه المسـرّه
انـا علـى ودك محـافـظ واداريــه=وانتـه تهـدّ الــود فــي كــل مــرّه
كنّك علـى مايشقي النفـس ناويـه=ولا عـلـى ضــرّي تــدور لـجـرّه
يامـا علـيّ ليّلـك تعـاود مسـاريـه=كنـيّ حريبـنّ لــك تـبـي تستـغـرّه
وسواس في نفسك وتتبع شهاويـه=مـدري علـى ماقيـل نـاوي تشـرّه
هديـت كـل اللّـي مـن الـود بانـيـه=كلـه تهـاوى بـيـن كــرّه . وكــرّه
ماتدري ان العمـر لـه يـوم قافيـه=دنيا تلاطـم مـن صنـوف المغـرّه
خلاص جايز عنك والقلب اعزّيه=هذا الزمن نرضـى بحلـوه ومـرّه
عرفت كل اللي ف نفسـك تخفّيـه=بـيّـنــك لــــي الــوقــت ل لله درّه
ضاع الامل من بعّد ماكنت راجيه=مـاعـاد بـاقـي مـنــه مـثـقـال ذرّه
انهد من راسه ليـا اسفـل مبانيـه=واصبح على درب الهبايب تـذرّه
ماعـاد ينفـع شـيّ لجـلـيّ تسـويـه=قفّـا الزمـان بـكـل خـيـره وشــرّه
تباعـدت بيـنـي وبيـنـك خطـاويـه=بعد الثرى عن درب ذيك المجرّه....