بِـ العـــودة الى قصة حُبِنا ..
ذكرت بأن البنيّــة الأُزبكية ذات مال وجَمال ..
ومهما وصفت فلن افيها حقهــا وعلى طاري مواصفات البنات
الشباب القاديمن على الزواج اليــوم لهم شروط ومواصفات طويلة عريضة
تســأل الواحد ليه ما تتزوج ؟ يقول يا اخي ما لقيت وحدة على مزاجي !! كيف ؟
قال قلت للوالدة تدوّر لي واحدة وبدأ يعدد المواصفات . طيب رح شف وجهكـ بالمراية
لحيكـ تقول بو جلنبو وسنونكـ تقول بناء حصى وتتشرط .
اقل شيء دوّر وحدة ع قدّكـ .


المشكلة امّه معاه ,, ما تبي الا على مزاجها هي وفرخها
يا ولــد ,, الحين ليه كل هـ المواصفات ؟ اولاً مستحيل تلاقيها كلها في بنت
وبعدين شف ويه ومكـ وشدوق اهلكـ وبراطمكـ السود وخل عنكـ الهياط
اعتقد ان البعض متأثر ببعض القنوات !! يا هوه ..
ما عندنا شُقر وملكات جمال ......... لا ,, ويبيها متديّنة بعد !
وهو ما يصلي الا بالعصا .

ما علينــــــــا ,, كل واحد حُرّ في حياته
اهم شيء الواحــد منكم يا اللي ما بعد تزوج ابغاه [ يشخّص ] على الآخر
وبعدين يروح يوقف عند المراية ويشوف مقدار حلاوته ووسامته وشكل ( ويهه )
ويحفظها زين .. بعدين يروح يطالع في امه الله يحفظها ويطالع في (سموكها )
وبعدين يحسب كم عنده ( دراهم ) وعلى ضوء هذا كُلّه .. يضع شروطه
وعســاه بالحبرة ,, نعم !

لا وطاحوا في موضات الحين
يا سكسوكة مبرومة ومقوسة من الطرفين والا سير نازل من عند مسامعه
والا سَلَكـ ( ويهه ) كامل والفراقية اثنين سنتي والشعر كدش خِلقة
والقلح فرقين والراتب خمسة آلاف ويتشرّط .. اقول .. رح بســـ !
والبنات لهم سوالف ثانيـــــــة ,, افا وش دخلني فيهم ؟
بارجع لموضوعي الأُزبكي احســن ..


وين وصلنــا ؟ بارجع للصفحة اللي قبل هذي واشوف
راجع بحول الله ...