الليلة راح احكي لكم عن قصة حُبّي لفتاة جميلة
وهـــذا سرّ بيني وبينكم يعني لا احد يعلّم احد ولو اني اخاف من بو سيف دايم يحفر لي وتجي بين العيون .
على العمــــوم هي قصة حقيقية -- بالعربي ,, قبل فترة وقعت في حُب بنيّة غاية بالجمال
وخلال هذه الفترة حصلت علوم . ساقصها عليكم كاملة
قبل فترة اعترفت بسر خطير
وهو أن قلبي في اليمين ولا يوجد في العالم إلا ثلاثة قلوبهم يمين .........
هذا النوع من البشر ,, " لا يحب ولا يكره " ومع هذا صارت قصة الحب اللي راح اعلمكم بها
طبعاً هذه السالفة حصلت قبل اصير عمري !! تقولون كيف ؟؟؟؟؟؟ كنت قبل فترة اوزبكي !!!!!!!!
اللي مو مصدق يجي يشوفني شعر اشقر وعيون زرق وكبكـ اسود ! طيب بدون ما تجون تشوفوني
عندكم ,, خاشقجي وشبكشي وسامي وماجد وعمر قلّي << مين عُمر قلّي دهـ ؟
ما كانوا من ربعنا واليوم نجومنا وعلى راسي من حقهم ويستاهلون وهم منا وفينا
ونتشرف ,, اشمعنا انا منتوا مصدقين ؟ ما علينــــــا ,,
خلونا في " قصة الحب "
تنويـــــــــــــــــــــــه ..
سوف اتحدث بكل صراحة وجرأة ودون تحفّظ ..
البنت اللي انا حبيت .. مزيونة لا طويلة ولا قصيرة , الوجه كـ البدر , عيون المها والشعر حرير
الخشم سيف والشفايف جوري احمر , عنق المها , الصدر روضة والبطن ملهوف باختصــار ,,
قمة الجمال . والعُمــر شوية وعشرين سنة . اسمها << خلوّه بعدين !
طبعاً الأُزبكـ ما يحبون بعض حتى يتأكدون من صدق المشاعر ..
يعني يختبرون بعض ويتقابلون ويسولفون لين يتأكدوا من كل شيء ويثقوا ببعض ,, وهذي في اكثر الدول .
خلوني " اهايط " شوي واقلكم على سالفة ,, كنت - مع زميلين احدهم عضو هنا - كُنّا بفندق موفنمبكـ بمدينة ازمير ,,
وهي من اجمل المدن التركية والحقيقة ,, انصح اللي تسافر مع زوجها وهي تحبه واقول لها .. لا تروحون هناكـ
عليكم بـ "دربزون "واذا ولا بد فـ "بورصة " وما حولها ,, اهم شيء ازمير وانتاليا ..
لا احد يروح هناكـ بالصيف << يعني انّي سافرت تركيـــــا ,, فنحضــر .
المهم .. كُنا كـ عادة ربعنا نتفرج من البلكونة وشفنا حمام - ناطق طبعاً -
كل اثنين مع بعض ذكر وانثى .. جالسين في الحديقة المقابلة للفندق .. عليهم حركات !؟!
مو مثل ربعنا هنــا , ياخذ الواحد المرة ثم جلسوا ع الرصيف وصكـ بركبها في ركبها هي معطية ظهرها الشارع
وهو مقابل كنه يعد السيارات وثلاجة قهوة وصحن تمر .. يا خي كان شربتوها في البيت وريّحت الضعيّفة من العذاب !
لا واذا زادوها مرّة ,, راحوا عزّ طلحة على طريق المطار ,, فرش فرشتين , انقعر على واحدة وغطى وجهه بالغترة ورقد
وهي جالسة تمد نظرها في الصحراء وسكونهم يتحاذفون بالـ " كعم " في الساقية احتثوا بالغبار ثم راحوا البيت ..
الاولاد سودوا من الشمس والمرة انكسر ظهرها من القعاد والرجّال اكله النامس في سيقانه وذرعانه .
يا هوه ,, كان طلعتوا الحوش وإلا ع السطوح احسن !
باقول لكـ على شيء .. وباكون صـريح جــداً وباللهجــة العمرية ولا حيــاء في الدين ..
اذا بغيت تفســّح العوال ,, اطلعوا " الحوش " واذا ما عندكم حوش عليكم بالسطوح , جيب للاولاد العاب جديدة عليهم
بلاش حكاية البندقية والمسدس ! لا مانع من السياكل والمراجيح ,, خلهم يلعبون واجلس مع مدامتكـ بجو رايق ,, قبل كُل شيء ..
صمّتوا الجوالات وحطوها في الشباكـ وانسوها تماماً وقفّل باب الحوش ولو جاء واحد يدق باب الحوش لا تفتح
اعطه والديه في يديه واطرده ,, البس شورت وفنيلة " كت " << مو نص كم 
فكنا من الفنيلة والسروال وام اصبع
وقلها تلبس فضفاض وشفاف واجلسوا على فرشة ملونة ,, انت عليكـ الشوي وهي تجهيز السلطات والمقبلات
ابد في تقطيع اللحمة وهي تقطع الخيار .. كلما قطعت خيارة تمد لكـ بقطعة وتاخذها بفمكـ وانت كلما قطعت لحمة مد لها بعظم
وإلا اقلكـ قل غمضي وانكس في حلقها فحمة << امزح وربي !
هذا للي ما تعطي زوجها جوّه !
المهم .. سولفوا واضحكوا ونكّتوا وانبسطوا ..
انتبه تسولف عن العمل او الجيران او اهلكـ واهلها .. اطلعوا من جو الهم والغم
اقلبوها نكت وضحكـ وتونسوا ,, بعد العشـــاء " الحوشي " او " السطحي " تقهووا وعليكم بالحلا بلاش الاشياء المُرّة
اذا شفتوا الصغار بدوا يداوخون من التعب ,, ادخلوا البيت .. رح خُذ دش مزبزط وتنظف زين وفرش شدوقكـ والبس قميص ملّون
ترانا فقعنا قلوب النسوان بالقمصان السود والبنيّة ,, دلّع نفسكـ شوي ,, في الوقت هذا تكون هي روشت عيالها ورقّدتهم
واخذت شور برضه مزبوووط ولبست " ليلي " مو اسود تكفون تلوّنوا شوي الاحمر القصير الشفاف يمدحونه
لا تنسون الجوالات في الشباكـ , خذوها وخلّوها صامتة وحطوها باي درج بالغرفة
انتبه تشغّل التلفزيون ابداً .. إذا فيه موسيقى او شغل المكيف ويخب عليكم
اكثر من النظرات الطويلة فيها مع ابتسامة حلوة
اذا سنونكـ لكـ عليها ابتسم وانت باصم اهم شيء حسسها انكـ مُعجب
اياني واياكـ تتثاوب والا تقول تعبان والا ودي ارقد والا تجيب سيرة الدوام ,, انس كل شيء !
تمددوا على السرير زي ما انتوا ,, فكها من الهياط واليعردة تقول رباح ,, لا تستعجل
سواليف , همس ولمس وضحكـ وبعدين سووا اللي تبون .. اقول .......
العجلة والهبالة حقت الاولين اتركها ,, الليل طويل !
الرسول عليه الصلاة والسلام ..
اوصى بالمداعبة والاطباء وعلماء النفس والاجتماع يمدحونها واجد
اذا قضيتوا فلا تنقز تقول سكن ,, اهجد واضحكوا وعلقوا على الموقف وامسحوا العرق
بعدين خلكـ انت بالفراش وهي تقوم تجهّز الحمام ,, تعبي البانيو وتحط الرغوة والمعطر ولا مانع من وردة فوق الماء
اذا سمعتها تتقلب في البانيــو قم وطب معها واكيد الرغوة تغطي عيوبكم ,, تلينوا واضحكوا بس انتبه تشرقون بالصابون
خاصة ان كان ما ظريتوا على العلوم تيه ,,,,,, شوي وفكـ سدادة البانيو وخلّ الموية تتصرف شوي شوي
وابعد عرقوبكـ لا تسد فتحة التصريف هذا اذا كان ما انسدت من القلح .. اذا خلصت الموية خلها تقوم هي
ولو زحلط بكم الصابون عادي بس قلّها تفكـ الدش الكبير واذا ما فيه الا واحد عادي يكفي
وخلّها تغتسل وفكنا من التبحلاق خلها تتنظف وينزل الماء عليكـ ,, عادي حلالكـ
اذا طلعت من الحمام ,, قم الله لا يهينكـ ونظف عُمركـ على بال ما تكون هي ..
شطفت شعرها بماء العطر وحطت عطر الرقبة ومعطر " المنادغ "
وتطيبت وجهّزت لكـ دخون العود .
اطلع من الحمام مثل الحصان
خل التثيواب والفغير وانتبه تتراقف حتى لو بكـ برد ,, خلكـ اســد << حرام انّي شاكـ فيكـ
رح للتسريحة على طول ,, اجلس وابعد الغمص قصدي الماء اللي في اذانكـ وتعطــر من العطر الفاخر
اتركـ الدرازن اللي تجيبها احياناً .. هذا وقت العطر الفرنسي والامريكي والحذر من دهن العود !! مو وقته .
يظل ريحتكـ تقول بياع سمن عليكـ بالاطياب الفاخرة الليلية وقلّها تفككم من الشنيصري والمعمول
هذا ما يستخدمه الا المشعوذين ,,قلها تخليه لجاراتها اذا جوا , اذا كان ما معكم الا معمول ..
فرشّوا فليت ازين ! طبعا وانت طالع من الحمام لازم تكون لاف المنشفة الكبيرة على خصركـ
والصغيرة على كتفكـ , لا تدنق تنشف مسامعكـ باللي تخصّرتبها ,, لا تشره عمركـ .
بعدما تسبحتوا وتعطرتوا ودخنتوا بالعود الكمبودي اجلس قبلها على الكنبة
بعض الناس يحط اثنين كراسي وبينها ماصة في غرفة النوم
لا يا شيخ ولد عمكـ بيجلس معكـ ؟ كنبة وحدة " لوف سيت"
يعني حقت اثنين .
مو مشكلة اذا موجودة الكنبة تمدد عليها
وخل المحروسة تشارككـ الجلسة بنفس الوضع بس اذا هي ثقيلة فاجلسوا كويس احسن
اشرب العصير اللي جهّزته لكـ وعادي خذ معها حبة علكة غير طعم الحياة .. شوي وارجعوا للسرير
تقعّر وتقلب ع كيفكـ وانا متأكــد مية بالمية انكم راح تتسبحون مرّة ثانية بس هـ المرّة خل ترويشتكـ
بموية باردة فقط بدون صابون فكنا من الكذاب ماء بارد وبس ,, وارجع لفراشكـ
وافضّل ان تنام هي مع اطفالها او على السرير الثاني عشان فيه احتمال
يكون اللحم اللي شويتوا ما استوى زين , احتياط بس !
وان حبيتوا تلغمقون مع بعض كيفكم .
قـــــــد يقول قائل ( مذا سنع الروايا الشرهة هذي ) فاقول ..
لو كان هذا ديدن الجميع لما سمعنا ببرود العاطفة الزوجية وشكاوي البعض زوجته ماهي مريحته
والزوجة شاكة بزوجها ومن هـ السوالف ,, نحن نعتني كثيراً بالبيوت والسيارات والمجالس
هذه اهم فلــ [ نعتني ] بحياتنا الخاصة ,, عليها تعتمد اشياء كثيرة
يوووووه ...... نسيت اكمّل لكم قصة حبّي مع الأُزبكية
المرّة الجاية ان شاء الله