صادق الحب


أنا عطيتك صادق الحب كله
من أعماق قلب ما به شعور كذاب

بإحساس محبوب وفا لأجل خله
بأصدق مشاعر شوق لعيون الأحباب

كل الغلا لك في ضميري محله
وفي ناظري مطبوع ما بين الأهداب

مهما خفيت الشوق فيني تدله
في نظرتي .. في دمعتي .. وكلمة عتاب

وعظيم شوقي قبل عينك وصله
قلبك لأحاسيس الغلا شرّع الباب

إن كان شوقي يا حبيبي تمله
يكفي شعور القلب يا تلع ألا رقاب

وأنا أدري إن الحب للقلب تله
صدق العطا بين المواليف جذاب

لو قلت لي ما أغليك رديت لله
قلبك بنظرة شوق للشوق ما تاب

أترك غرورك مع عنادك وخله
لا يمنعك دام الهوى داخلك ذاب

عطني بعض ما أعطيك بالحب عله
منك العطا بلسم جروح لمنصاب

ومهما عطيتك صادق الحب كله
أحس في قلبي من الوجد غلاب ..!

سامحوني .. إن رحلت .. يوماً .. دون موعد