طبعا فترة طويلة بين الامويين والفاطميين
قد يقول قائل ,, كيف عاشوا هؤلاء كل هذه السنين ؟ انا اقول لكم ..
العامرية ,, جاها مرض غريب وجابوا لها طبيب شعبي واعطاها علاج بالغلط
وهو معــذور ,, الاخطـــاء الطبيّة عندنا اليوم بالهبل ولا احد زعل على احد والدنيا ماشية
عشان تلكـ الغلطة ,, بقيت على وضعها ولا تغير فيها شيء ,, أمّا بنت النود فقد صادف وجود طبيب
يوناني في مضاربهم وكانت تشتكي من مرض ( الكبرياء ) وصف لها دواء من جلد الابل استخدمته بالغلط ,,
فعاشت حينا من الدهر , عادي وش المشكلة يا كثر الاطباء الشعبيين عندنا ويا كثر مرتاديهم وبلاويهم .
بينما ذيبان يقولون سوى قصيدة في حفل ( ختان ) فانطبقت عليه بامرالله قال ..
( يا ليتني لا اكبر ولا اصغر ولا اموت ,,, ولا يلوح الشيب في عارضيه )
فجلس حي الى قبل ايام ........... يا لطيف !
هذه المقدمة لتوضيح سبب بقائهم احياء الى وقت الفاطميين وبس .
بعد ذيكـ الليلة بجوار الخدر هاجر ذيبان الى طاشكند
يقولون له قرابة هناكـ - سبحان الله - وبقي جماعته الى أن شاء الله لهم الذهاب الى سيناء فيما بعد
طبعا مات كل اقارب الثلاثة بحكم السن والسنين ولم يبقى الا هم والاجيال المتتالية من البدو الرحل
عاد (ذيبان) من طشكند الى سيناء " ترانزيت " وراح لبقايا ربعه وفيهم (الفاغرة وبنت النود)
ومن هنــا بدأت الفصول الاكثر اثارة ..
اول مادخل سيناء كان فيه حفل مزاين الابل < اثاريها من زمان !
والفاغرة قد ورثت ابل كثير عن ابيها فكانت معظم المجاهيم والمغاتير والمصاقيل من حلالها
ويقولون - والله العالم - إن المخدرات لازم تصاحب المزايين ! ليه ؟ مدري ! هذا كلامهم هم
مر ذيبان على مكان الحفل وشاف بقايا (القعدان المطبوخة والبُر والنبيذ) مرمية في الرمال
ومع كل ( ذود ) مجموعة (مجانين) يتراقصون ويطلقون رصاص ,,شاش الرجال وجاه حماس بقوة
بدأ يرقص معهم , شافوه الثنتين بالصدفة مع انهم يحسبون انه مات وهو يفكر انهم قد ماتوا !؟!
يوم شاف ( خويته ) أنشـــد قائلاً ..
رجعت لكـ وانــــا مرافـــق مـع العَـــــود
........................ جيتـــكـ وانا عـــارف نهــايـة عبــــوري
عجـزت كيف ارضيكـ يا ناعــــم العُـــود
........................ وازريت كيف ارضي بقــايــا غـــروري
كم قلت لكـ ما في طــريق الهـوى فــود
........................ وياما نصحتــكـ ميـــر ما طعت شــوري
إمّــا هــــديت وكــــل مافــــات مــــردود
........................ ولا عـــاد تطلب شيء مـاهو ضـروري
وإلا فـــرح وابعــد ولا يمـي اتعــــــــود
....................... فرقاكـ بعض احيان ,, غـــاية سـروري
لاأنت اول اصحابي من البيض والسود
....................... ولاأنت آخر احبابي اذا ابطى حضوري
بعد اسبوع جاء ولد عمه ,, اسمه " كامل " ..
فتح قناة رهيبة !!! وشبكم مستغربين ؟ قناة تصريف سيول مو فضائية !
وبعده توالت القنوات بعضها للامطار وبعضها للمياة الحلوة واكثرها مجاري - اكرمكم الله .
المهم انها امتلت الدنيا قنوات للشرب والغسيل << يا حظ الابل ! ومن اجل الشهرة سوّى مشروع
سماه مشهور مدري " شاهر " . فكرته حلوة وتطبيقة سيء وش دخلنــا احنا من السوالف هذي ,,
اهم شيء ,, المتغطرسة هل تعلم أنّ الحياة حلوة ,, بدون هياط !
نتمنى ذلكــ ونتمنى لها حياة سعيدة
الحكاية برمّتها لا تعني شيئا ولا احداً
مجرد بهارات لأجل الابيــات البنيّة المصاحبة
والســـــــــــــلام