عشق وفراق


هذي حياتي كلها عشق وفراق
ما عمر لو لحظه صفا لي زماني

الله على قلبي من الحب ما فاق
كم ليلةٍ من كاس شوقي سقاني

تدميني الفرقا بطعنات الاشواق
وأنثر بقايا لوعتي للأماني

وأكتم لهيب الوجد باعماق الأعماق
خايف يبوح اللي كتمته لساني

دوّرت للوعه وللشوق ترياق
ولقيت مير القلب عاد وعصاني

كنه معلق في غرامه بمعلاق
صارت له الفرقا بلا وأبتلاني

كم شتتني مثل تشتيت الأوراق
لا ساقها التيار في درب ثاني

والصبر طيب لكن الشوق حراق
بعثر هواجيسي ولخبط كياني

لو ذاق غيري مثل ما خافقي ذاق
شابت رموشه من كثر ما يعاني

سو ما بدى لك خافقي حيل مشتاق
ماني بقايل عود تكفى عشاني
------------------------------

منقول

سامحوني .. إن رحلت .. يوماً .. دون موعد