صبـــــــــاح الخيـــر والبياض !
ما هنيني النوم قبل اكمل لكم الحكاية

طبعـــــاً كولوكم شاهدتوا المقطع العجيب ...
وعرفتوا ، أنّ الغراب يولد ابيض مثل السكر ’’ مشكلته ( البق ) الخبيث
اللي يغذيه فيتحول الى اسوووووووود !


يذكرني هــذا بِ ( دعاة الليل وزرّاع الشر )
الذين يتلقفون الشباب الطيّب , اصحاب القلوب النقية البيضاء
يغذونهم بافكار نتنة واوهام خبيثة لتتحول نواياهم وقلوبهم الى سواد مرعب !
ما علينــا ,, اهم شيء انا عرفنا وش سبب السواد .


ابو صقــر ,, من زماان وهو يقول ..
سمّوني ابو صقر واحيانا يحب يسمونه [ ابا صُقير ] قبلها كلمة الشيخ !؟!
مع انه لا يزال يحمل وزر شهادة الابتدائية القديمة ,, المهم ,, بعدما ( سلكـ ويهه )
يعني نعّم تغيرت احواله واقواله ولكــــــــن لازال هناكـ فيوزات ضاربة
مو مشكلة ,, عساه بعد الزواج الاخير يهجد !


عاد لعشــه القديم
" مع الخيل يا شقرا " مرّة درباوي ومرّة ( مطوّع ) ومرة عاقل
قام يســال عن ( دادي وبادي ) لقاهم تزوجوا ! دادي ,, تزوجها ابن عمها
وعايشه معه في عش صغير بوادي النمل وظفها تغســل الطيور النافقة
وهو كان موظف وفصل ( مدمن عدس ) وجالس يغرد بتويتر
مرّة يصوصو ومرّة يخوخو !


أمّا ( بادي ) فاخذها عصفور ملون
اذا ( صفرق ) اقصد صفّــر يعني صوصا و بمعنى آخر غرّد
ما ودكم يسكت ! مشكلته الوحيدة ,, نحيف اذا بلع الحبوب تنشب بحلقه
فـ سووا له عملية " بواسير " لكنه طيّب !



اللي يهمنا في الموضوع ..
[ ابو صقــــر وزوجته اللي انجبت له صقر ]
اذا تذكرون ( دادي وبادي ) كان معهم اخت ايام كان ابا صقير ساكن قبالهم
هــذيكـ المسكينة ,, عوراء .. تشوف الدنيا بالمقلوب وهي اكبر خواتها
لكنها ما تزوجت !!!!! اثاريها مغرمة بالغراب " ابو صقر " جارهم
وجلست تنتظره لين ردّه الله ويوم سمعت انه رجع
راحت له وقالت انا قاعدة انتظركـ حبيبي
عشان ما نطوّل .. تزوجها .


سكّنها بالعش القديم
وعلّ والديها وجاب لها الضغط والسكر والملح والبصل
يعني باقي الزيت وتصيــــر ( يدام ) وتستاهل
احلى شي انه خلاها تشوف زين !
واخيراً .. انجبوا صقر .


كبر صقر ومات ابو صقر و( طقّت ام صقر على راسها )
تعدّت الحدود ثم عميت هناكـ ,, وتطلقت دادي ,, وبادي تزوج عليها العصفور
وبعدين سوى حادث ومات وضاعت الشغلة كاملة وكلها من البق !!
صقر بعدما توظف وملّكـ على بومة جذعة اكتشف انه غراب فـ انتحر
ما باقي الا البق والبومة ,, يموتون ان شاء الله
ايه ,, نسيت اقلكم على اسم ام صقر ..
اسمها .. ام صقر !


يُقــال .. لدى الناس نظارات مختلفة
يقرأون بها الحيــاة ,, فـَ يبدو كل شيء حسب نوعية النظارة !
دمتم بخير ,, بيض انقياء