يا شوق روحي و قلبي و قطعة مني
عتابك ألطف من النسمة على فؤادي

ما يجرح القلب إلا غيبتك عني
و لا عتبابك يشابه طبعك الهادي

أنا أهتني يوم أشوفك أنت متهني
و أشوف نور الهنا في طلتك بادي

ما يختلف فيك ظني يا حسن ظني
دايم وفي معي يا وردة بلادي


لاتخاف مني و من قلبي إذا وني
أكيد مشتاق لك يا غاية مرادي

ما بتعب القلب غير الشوق لكني
أصبره القصيد و صوتك الشادي

أنا أحبك و أحبك من صغر سني
ما أبالغ إن قلت لك من يوم ميلادي

أكبر و يكبر غلاك اللي مجنني
غصبن على عيون حسادك و حسادي