أحيان صمتك ونظراتك تبكّيني


متى على الله تقوم وتنظرك عيني
تفز مثل الغزال وتضحك اعيونك

أنا مريضك وعافيتك تداويني
وأزداد باوجاع لو تبقى على لونك

الونّه اللي تمرّك ماتخليني
قدّام قلبك تمثنى قلب مجنونك

دخيل ذاك المهنّد والحجاجيني
أرفق بنفسك وعاملها على هونك

وخذني معك وين ماتبغى توديني
أنا تحت طاعتك والقلب مرهونك

أسمعك واقل كلمه منك ترضيني
أن قلت يامرحباً وأن قلت وشلونك

وأحيان صمتك ونظراتك تبكّيني
فيها كلامٍ يفوق الكحل بجفونك

وأنا عطيتك عهود وحالفٍ ديني
لاتحسب أني بعد ماطحت باخونك

اللي فقدته من الغالين يكفيني
ماباقي ألا أنت لا تجرحني أضنونك

معقول تخشى جمال الكون يغريني
والبدر في خدّتك والليل بمتونك

أنتِ مقر الحلا ياشيخة الزيني
والغيد بالزين تقصر كلها دونك


منقول