لا تحسبين الحب ( لعبة ) وسلوان = يا بنت ما كــل الذي حب طعتيه
حذرك من اللي يخلط الحب بألوان =ترى الذي ما يعرف الصقر يشويه
الحب ماهو حب نظرة بالأعيان= لازم على اللي ياخذ الحب يعطيه
مثل الشجر لي عاد هايف وعطشان =هل كيف ينقض والمطر كف يسقيه
يا مسهل الكلمة على قلب الإنسان = ينطق بكلمة حب والسر يخفيه
ما كل شي وينشرى بكثر الأثمان=للقلب عزة وصعب الإنسان يشريه
صار الهوى (لعبة) مع البعض ينهان =وحدٍ ولو ما يعرفه يبتلي فيه
يا بنت بين الأمــس واليوم شتان =وقتك تغير والوفا راح ماضيه
وإن صح قولي قلت موال بألحان=كل يـــوم يتردد وناسٍ تغنيه
لا تشتكين اليوم يا بنت خِسران = من لا يداري في الهوى من يداريه