يانور عيني حبني زود واعطيك
ولا قليل الحب لي مستكثره
اطلب حياتي ليتمنيت واهديك
خذها على شانك ورود معطره
ادفع عيوني يالغضي لجل اداريك
وادفع لك الخاطر تمون وتكسره
واعطيك قلبي تكسره بين ايديك
وليا كسرته ياحبيبي فاجبره
لا تستبيح الصد لا صرت هاويك
الي يحب اصويحبه مايقهره
كل ماذكرتك سهرتني لياليك
وكل مابغيت انساك انسى واسهره
زوتني شوق بغلاك وتغليك
واثري على حبك فقد السيطره
؛؛
؛؛
|