منتديات بني عمرو - عرض مشاركة واحدة

11-23-2013, 09:05 AM

الفضول أصبح عند البعض عادة أعتادوا عليها ومن الصعب تغير من طبع أو عادة شخص إذا كان هذا الشي تعود عليه وعندنا خير دليل في الحوادث والحرائق بعضهم ساكن في منفوحه والحريق في الروضه شرق الرياض تلاقيه يمشي ورى سياره الدفاع المدني ويقطع المشوار الطويل هذا كله عشان بس يعرف وين الحريق أو حجمه أو شكله وكم من شخص مات ولا كم بيت احترق ههههه صدق فضولين وياكثرهم ..

صار لي موقف يوم من الأيام ومن بعدها أخذت درس ما أوقف كنت راجع من استراحه في الرياض في متأخر من الليل إلا طريق سريع الحركه فيه شبه مشلوله والطريق واقف وفيه مسار ضيق جداً للخروج ومن الفضول نزلت أشوف الناس واقفه في الجزيره بين الشارعين اطالع يمين شمال شي هنا هناك مافيه حوادث ولا سيارات ولا سيارة اسعاف ولا مرور أستغربت وسألت شخص هناك وش السالفه يالحبيب؟! قال شكلك برئ ماتدري قلت في نفسي تقدر تقول شويه برأه وهزيت رأسي مثل الهنود قال انتظر شوي وانتظر إلا ذاك السياره جات من هناك خطيفتها مثل البرق تفحط ما وقف إلا جنب الرصيف ابتسمت وضحكت على نفسي وقلت صدق إني برئ ويوم لفيت إلا المرور السري يلقطون في العرب والباص جاهز وبعد محالفات وتحلاف إن مالي في العلوم هذه كلها فكوني وافلحت بيتي ونمت قرير العين ولا كنت بسبب فضولي أمسيت تحت الدرج على قولهم في الديره عندنا...!

خاتمه..!
اعتبرها عاده سيئه وأتمنى زوالها في أقرب وقت مع إني أشوف إنه يفترض
إن الناس تثقف وتدرس مخاطر الفضول وما قد يسبب من مشاكل وعواقب وخيمه..

تقبل أصدق التحايا والفضول السريع والدخول مبكراً
على النيه باقي 😊☺️