السلام عليكم ورحمة الله وبركاته

الى متابعين حرفي .. اعتذر عن الإطالة والغياب وابشروا بالجديد ..،

‏

تبعد وتتركّني علَى شان اناديك
وانبحّ صوتِي من كثر مَ انادي

لاتجعَل الفرقَى من أول مباديك
وأجعل وصالي من أهم المبادي

شفني الوّح لك ابي لمسَة ايديك
حاول تشُوف ايدي مَ بين الأيادي

انَا اشوفك بس أجهل أرآضيك
بعيُون قلبِي شَايفك وين غَادي

لا لا تنكّر دامنِي ميّتٍ فيك
لك اشتياقِي والوفَا والودادِي

يفُوح لك كبدي من العشق ويجيك
نسمَة عبير وريح عنبر وكادي

بسّ الالم شفت الهجر من خطاويك
كنّك تجازيني بصدٍّ مُعَادي

تروح مع غيري وانا أبقَى آحاتيك
تخُونني وانا اعتبرتَك بلآدي

حاول تحبّ بجد الله يخليك
ولاّ فـ أمَان الهجر يَ أغلى مُرادي

وانا على جرحِي أَبصبر وبعطِيك
درس الوفا والصّبر وبشكل هادي

و يَ قلبي الله من جروحك بيشفيك
وإِن كان ما طَابت ترى الوضع عَادي

ببقَى كبيرٍ بالجروح وشقَاويك
ماتِنحني لو طِحت هَامة جوادي


بقلمِي ..!