ياللي على الوتساب تكفون تكفون
لاترسلـــون الا ثمين الكلامي

من شان كل اصحابكم يستفيدون
وتحصلـــون الشكر والإحترامي

والأجر من رب السموات مضمون
للمحتسب للخيـر والإلتزامي

والناس للـي يفعل الخير يدعون
والخير من ربٍّ رفيـع المقامي

وكونوا من اللي بالصلاة يحيون
اوقاتهم ويكثــرون السلامي

ولقول ربـــي بآخر الليل يتلون
قيام واكثر خلق ربــــي نيامي

يرجون عفو المستعان ويخافون
من موقف فيــــه الخلايق زحامي

وحذرا من اللي للمعاصي ينادون
يدعــــون جهال البشر للحرامي

والمرء لابده مكفـــــن ومدفون
مادامـــت الدنيا لخير الأنامي

وختامها يالي على الواتس تكفون
حثوا على الطاعـة بكل اهتمامي

اتمنى تحوز على اعجابكم