اللي غلاته غير جت طعنته غير
دنياك هذي كل أبوها غرابة
يا قلب مهما تنطعن خلك كبير
دنيا الوفا لا زال فيها رحابة
دوّرت لجروح الحبايب معاذير
وللحين أدوّر ما لقيت الإجابة
واللي هجرني دون معنى وتفسير
أبرك محاصيل الجفا في ذهابه
ويا طير يا اللي تفرد الر يش يا طير
إفرد جناحك للفضا لا تهابه
أنا تعبت أمشي طوال المشاوير
وذيب الحزن غرّز بالأقدام نابه
واضحك وأقول إن المواجع مقادير
والقلب محدٍ حس به في مصابه
أكبر مهازل هالزمن ( سرك إف بـيـر )
والبير وسطه داب واصبح خرابة
مجرد إنك تحكي السر بالخير
يطلع لكل الناس بأسباب دابه
لو أن لأفعال الأوادم تقارير
أكثر خفايا هالأوادم تشابه