هي ايام ياقلبي وراح تمر
وبكره تطيب إجروحك
وحاول أنت ياقلبي تعدي كل ذكرى تمر
وأنسى مامضى بروحك

من عقب محبوبي فانا ماني بخير = بعض الهموم تبين والخافي اعظم
ومن كثر ما شاورت ما عاد باشير = كلاٍ يلوم وفي تناسيك يجزم
عمرٍ مضى روح لشوفك مشاوير = وعمرٍ بقى باقضيه في شوفك احلم
يا صاحبي يا مشغل البال تفكير = عجزت ابعزل عذب حبك عن الدم
لو ادري ان مفارقك يوم بيصير = ما طعت قلبي يوم شفتك تبسم

خلاص مامضى يكفي
ومستحيل الحزن يشفي
ويمكن حبيبك ياقلبي..ضاع بعد ماأبتعد عنك
ويمكن سبب هجره ..شي أقوى منه ومنك

نقش خالد