بعض البنات أخير من ألفين رجال=أصل ونسب وبنت شيخ وحموله
تعجز رجالٍ عن عملها والأفعال=واللي تعلى عالسحب من يطوله
كم واحدٍ ضحى بحاله مع المال=من أجل بنت العز تنظر لزوله
يا ما تمنى ظفرها ناحل الحال=تمنياته بس يرضي ميوله
بنت الحسب ما تنظر إلا لأبطال=للفارس اللي الكل يخضع لقوله
ولا هي تناظر لكل عابث ودجال=راعي الدجل ياناس كثرة طبوله
ما كل من يلبس شماغه بيحتال= ولا كل رجلٍ يتصف بالرجوله
ولا كل من كلٍ الهوى صابه هبال=ولا كل سيافً يحقق بطوله
السيف له فارس وللخيل خيال=الفارس اللي تعرفه من فعوله
ما غرني بالدخل والناس الأنذال=النذل يبقى نذل ناقص رجوله
صحيح ذيل الكلب معوج وميال=اينعدل مهما نعدل ميوله
النجس اسمه نجس في كل الأحوال=لو يغتسل في البحر يفسد وحوله