أذوب شـوق وولـه لهفـه وحنيـه=وتذوب روحي على شوفك .. واهدّيها
وان جيت اخبي شعوري بان ف عنيه=تسرد عيوني قصص شوقي وترويها
تعال.. خـل البعـاد وقـرّب الجيـه=تعال .. غيرك جروحي من يداويها ؟
ف البعد عنّك انا ما اطْـوَ ل لياليـه=تعال ابا انقش لك كفوفـي واحنيهـا
يا سيّـدي عقبـك الأفـراح منسيـه=وسفينة الشوق ضاعت عن موانيهـا
واقصى الحنايا من الاحزان مطويـه=والبعد يرثع بروحي ليـن ينهيهـا !!
البعد ملعـون ابـو جـده وطاريّـه=تعال ما عـاد لـي حيلـه واسويهـا
تعصف بقلبي كمـا ريـح ٍ شماليـه=ومن بعدك الروح قل لي من يدفيها ؟
واذا نشدوك العواذل وش تبـي فيـه=قل هالغريبة أموت اموت أنا فيهـا !!