مادري ليه ذاكرتي شغالة اليوم من الصباح
يالله خلني اغرد بما في ذاكرتي
بعد كأس العالم 1998 انتقلت لسادس ابتدائي
و اشترى أبوي لي سيارة هايلكس موديل 99 المهم طلعتها من المعرض عمري يادوب دخلت 12 سنة أنا و أخوي نايف ( أخوي من أبوي ) بنفس العمر
المهم كحال اغلب المراهقين سفطنا عند اقرب استريو و أخذنا كسيت منوعات نسائية و كان من ضمن الأغاني أغنية كلماتها و ألحانها و الأداء روعه بس ما اعرف اسم الأغنية
تقول في مطلعها
" دوروك ما لقوك إلا بعيوني "
بعد ما تعبوا وراك
دوروك
أقرب أقرب من يميني
و اترك اترك حاسديني
لا تتطاوعهم حبيبي
لو بحبي شكّوك
زمان يا فن دورتها في اغلب الاستريوهات و في النت ما حصلتها
حتى كتابة ما لقيتها
|