بيانات اضافيه [ + ]

رقم العضوية : 21168  تاريخ التسجيل :  Apr 2010  أخر زيارة : 03-22-2023 (09:10 AM)  المشاركات : 4,509 [ + ]  التقييم :  35  الدولهـ  الجنس ~

لوني المفضل : Blue

ياللي غيابك طال وأنا تحراك
حرمتني قربك وأنا ميت (ن) فيك
ليتك تجي وتشوف حالي بلياك
حالي يسُر عداي وشلون يرضيك؟
ليه البطا يانور عيني وانا اهواك
الله يصبرني عليك ويجازيك
تدّكر ايام (ن) مضت عشت وياك
ماكان همي وقتها غير اراضيك
طلبتني قلبي وانا قلت لك هاك
بعطيك قلبي واحفظه بين اياديك
ترعاه بعض احيان واحيان يرعاك
ياكبر حظ اللي بقلبه يراعيك
اسهر مع طيفك واعدد مزاياك
جلا جلال الخالق اللي مسويك
الله عطاك الزين مافيه حلياك
ماتعرف المكياج ربي محليك
جعلك بعد ذولا وذولا وذولااك
لو قلت لك بنساك ماني بناسيك
هاذي هواجيسي من الشوق تنخاك
ارفق على قلبي وخفف تغليك
تعالي يا المزيون والروح تفداك
حالي يسُر عداي وشلون يرضيك؟

لَستُ مِمنْ يََتَغيِرونْ وَلَكِنْ أَعْرِفْ تَماَماً مَتىَ أَنْسَحِبْ مَنْ حَياَةْ اَلكَثِيريِنْ .!~