قلبي يحبك فيـه لوعـة وضيقـة= وانتـه تغلـى بالمحبـة وتختـال
إن كان عندك حل شف لي طريقة= خايف تحطم بيننـا كـل الامـال
القلب غيرك بالهوى مـا يطيقـة =كان أنت تسمع كل حاسد وعـذال
أنـا عهـودي بالمحبـة وثيـقـة= والله أحبك من عرفتـك ولا زال
حاير وتايـه بالبحـور العميقـة= هذا ولا كنه خطر لك على البـال
أمـوت بيـن الثانيـة والدقيقـة= بين الحياة ولحظة الموت رحـال
خليتنـي بيـن الوهـم والحقيقـة= أحيان تحت الشمس واحيان بظلال