أنا ما شدني يمك ولع ومغالطة عشاق =أنا ما جيت ادور بك لحالك نصفي الثاني
فضولي من شره عيني دفعني للنظر وانساق=أكحل عيني برمشك واذا نمت يتغطاني
وابقطف من خدودك ورد والمح لمعته براق =وبزرع في ثـغـرك التوت الاحمر وسط بستاني
وابطرب مع كمنجة صوتك ,, الطاقين فوق الطاق=واسلطن لا انثنى خصرك مع ابياتي وألحاني
وابرسل لك خيالي يبحر بزينك ولا ينعاق=وابقصر لا بغيت اقصر جنوني واسجن لساني
أنا يا هيه طراد الهوى الغامض لو ادمى الساق=وغاية متعتي لا من تعـقّـد وسط قيفاني
تجي نصفي لو امواج المحيط الأطلسي أشواق=تلاطم في وسط قلبك وتاصل ثم ﴿ تعدّاني ﴾
أنا ما جيت لك كلي وانا يا صاحبي مشتاق =أنا من صادق احساسي اقول ارجوك تنساني
لأني ألتمس منّك هروب ولا لمحت فراق=ولأن اللي منعك تروح هو اللّي عنك وداني
أبسجد في رضى ربي هو الهادي هو الخلاق=وابنثر دمعتي وادعيه يدحر كيد شيطاني