ليت وقتٍ اذكره من زماني للرجوع
................... كانت الخطوه تدوّر دروب الانتفاع

وليت دفع المشكله ماتحدك للوقوع
................... كان حل المسأله يفتح ابوابٍ مناع

الهقاوي وحدها ماتجيك الا خضوع
............... شرط مايجمح لها واحدٍ يخشى الصراع

مااخاف الا من النذل والرجل الخدوع
.................. ينتظر فرصته ويهمّ في ثني الشراع

ابلشونا في البلد ناس مامنها نفوع
................ غير بث الفتنه اللي تغيّر في الطباع

والرسايل في خفاها الكلام اللي يروع
................ تدخل ابيوت البشر ثم يلحقها ارتياع

والدواير حولنا تخبْر بحالة خنوع
................ من رجالٍ همّلت شرع هادينا المُطاع

حتى من يلقى له اليوم رجّالٍ قنوع
................. ليت من يرزق بشيٍ يجيه الاقتناع

سود الله وجه زنديق ليبرالي الطبوع
................. همّه الفوضى تعمّ الوطن بايّ قناع

وبعضهم خبلٍ مع الدّله يقدّم قدوع
................. مادرى انه يحمل بداخله سمٍ زعاع

الله اللي وحده الآمر برفع اليسوع
............ يمحي اذناب الشياطين وارباب الخداع