- ارقى السماء من دون سلم واحاكيك=واقول لك شفني رقيت ولقيتك
( غزل قمر ) ناس" على القاع تدعيك= الا انا يابعد عمري فديتك
من كثر ما احبك واعزك ومغليك= تعبت لين اني وصلتك وجيتك
احب فيك ( الحب ) واعشق مباديك= شي" يبرد ( شف كبدك ) سقيتك
اخذ عهد مايوم تخلف هقاويك= مادمت اعرفك واعرف اني هقيتك
من هامتك الين أسفل مواطيك= اخيلها دروبي بليلي سريتك
اموت واحيى لين ارجع واموت فيك= دامي بديتك لاتقول انتهيتك
لا لا تصدقني اذا قلت شاريك= الا ببيع الروح يومي لقيتك