لا تبيع انسان بالروح اشتراك
الحذر ثم الحذر لا تخسره

ماحدن غيرك مثيلك في غلاك
أنت لك صدق الغلا والمقدرة

كل ما تطلب من اعيونه فداك
أنت قل وش مطلبك واحضّره

حقق آمال الذي وده يراك
يوم راحت قافلاتك مدبرة

ارجع اطرح مطلبك وش هو رضاك
خاطري مكسور حاول تجبره

بعد موتي وش يسوي لي رثاك
لو بنيت البيت فوق المقبره

النهاية راعني قبل الهلاك
واعلن العوده وقصرك عمره

وان رفضت إلا تمادا في جفاك
احذف اسمي وانتبه لا تذكره

هاتفي لا عاد يعرج في سماك
الغ رقمي وان قدرت فشفره

سج في بحرك وخلك في هواك
ارض باللي لك إلهك يسره

أنت لو تخطي كم أعفينا خطاك
والخطأ منا تحاول تشهره

مستحيل أطيح في غُبة بلاك
شيمتي ترفض دروب المسخرة

لا تعاتبني ترى هذا جزاك
يستحق الكي راع الجمهرة

والله إن انساك واهمش غلاك
واكتب اسمك لارحم من قدره

كلمتي لك واعطها للي وراك
لارحم رجال تلعب به مره

http://im35.gulfup.com/NPAU1.gif