الازديه
اسأل وببراءه شديده اعطيني مكان واحد في اي مجال لم تدخله الواسطه
حتى لو اردنا السفر وفاتتنا الرحله مكالمه وحده لموظف في الخطوط بيننا وبينه معرفه ولو عن طريق جدة ام خالة ابو مرت اخوه وقلنا له تكفى وحده بس جانا الحجز والتذاكر الين الباب
هذي واسطه
روحي المستشفى يوقف لك احد مثل العظمه في الحلق ع المواعيد ولو تعطينه مية مبرر انك بحاجة الموعد ضروري يقول لك مافيه مجال ابدا لكن شغالتكم تعرف الصوماليه اللي تشتغل عند ام الدكتور الموعد بيجيك والدكتور يتشره عليك انك ماجيتي من اول
كل شي يمشي بالواسطه
طبعا هي شي غلط وغلط جدا
لكن اذا كانت امورنا ماتمشي الا بالواسطه وحب الخشوم حقوقنا اغلبها ماناخذها الابواسطه
طلاب تخرجوا وماشين صح ويقعدون يلفون على كل الدوائر الحكوميه بدون تكفى فيقعد يلف يلف ويلف ويلف الين يتعلق بأحد الجسور ويحذف نفسه تحت
وفيه واحد ( التكفى) حقته سابقه تخرجه ووظيفته في المدينه اللي يبغاها وقريب من بيت اهله ولو كان معدله مايسوى
ما اقول خلوها تمشي لكن هي غصب ماشيه
نرجع للجماعه واللي عنده واسطه صدقيني وبحكم خبرتي انه دائرة الواسطه عندهم تبدا من الخارج ثم تضيق تضيق تضيق حتى تنعدم
اما القبائل الاخرى البعيده بالذات عن الجنوب فالواسطه عندهم مركزيه والتكفى حقتهم تبدا من وسط الدائره وتلف فيها ولايمكن ان تتعدى النصف
اتمنى تكون كلماتي واضحه
بقي التربية
اتصور ان الاهل يبذلون كل شي لاولادهم وكل اب وام يتمنىون ان يعيش اولادهم بدون مذله ولا مد يد ولا حتى تكفى واحده لاي احد
لكن ان يرى الانسان ولده ينكسر وتنهشه الهموم وهو يرى عمره يتسرب من بين يديه والشيب يغزو رأسه وهو يقف عند عتبات نفق تخرجه من الثانوية او الجامعه لسنوات طويله ويرى بقعة ضوء تلوح في نهاية النفق المعتم الا تتوقعين انه سيسعى بكل ما اوتي من قوه ليصل اليها
وقوف الانسان امام اي احد لطلب (تكفى واحده ) تكسر الظهر
ومنتهى الكرم بمن يملك هذه ( التكفى ) ان يمد يده لمساعدة هذا الاب وادخال السرور عل قلبه وقلب ولده
والاهم من ذلك كله ان يشكر الله كثيرا من يكون في وضع المعطي ولو انه ليس له فضل فالفضل لله من قبل ومن بعد
المعذره لو ازعجك كلامي لكنها الحقيقه المره
دمتي في خير
.
|