لك وحشـة عيت تفـارق عيــوني
من صبــح يــومي للمسـاء لين ما بات
ولك شـوق بقلبـي يشابه جنـوني
شوق العمــى لمشاهدة ماضي فات
لك الله اني مستضيفـك بكــوني
ماعنك أغفـي أو اغـض عنك لحظات
متشكـل طيفك علـى كل لــوني
بأبهـى صورك مخـايلك كل الاوقات
ماحس للدنيــا حـلا وانت دونــي
ولا استلـذ العيش ما تعرف مسرات
بقفــايتك تلفـي كثيـر الطعـوني
والــونه بجــوفي تخـالط بعبرات
تهمــي سمـاي بماطرات المـزوني
اليـا لفيت وجيتنــي عقـب غيبات
ايه استطيب بشوفتـك يافتــوني
وكـل الجــوارح تستكــن بملذات
لحظـات عمـري بك تكابد ظنـوني
لاعشت واقعهـــا وعشتــك خيالات
أرهـي بقربك واحتميه بشجـوني
واستعـذبك حب واخـالج بك الذات
شف وحشتك داخل محاجر عيوني
تصبــح معي وامسـي بها لين مابات
|