تعب حبك .. تعب فرقاك .. تعب هالكون من دونك=تعبت وجبتني لاقصاي أشق الصـدر لـك دامـي
تعبـت ولا لقيـت دواي سهيـر أردد لحـونـك=لحن ياخذني فيه الناي .. لحن يعزف لي أحلامـي
أنا لاقلت لـك تعبـان صـدوق ٍ أذكـر عيونـك=تروم العاشق الولهان .. تـرد الـروح بعظامـي
تأمل كل مافي الكون .. تأمـل صـوت مجنونـك=يهيجن لك تعب حرفه على جالـك وهـو ظامـي
سـواد البعـد عذبنـي ووردي حـن لمـزونـك=وصالك غيمة ٍ تزهـر جـدب روحـي وأيامـي
تصور..! دنيتي دونك .. تصورها بـلا شجونـك=وأرد أذكر سواليفك طـواري الحـب وأوهامـي
تذكر..! عهدك الأول.. تذكر قلـت مـا أخونـك=وأنا حافظ لك الذكرى وحافـظ عهـدك السامـي
حبيبـي والرجـاء باكـر لعلـه ضـد قانـونـك=ترد تشوفنـي واقـف أضمـك وأنـت قدامـي !